Presentación do Quinteto de Vento ORTY BRASS

.

ORTYBRASS  é unha formación de cinco músicos, todos eles de Ortigueira excepto un. Somos músicos de ampla experiencia no mundo das bandas de vento. O nome vén de xuntar dous termos: Orty (polo nome da vila) e Brass que en inglés significa "metais", en clara referencia aos instrumentos que tocamos; así, formamos o que se chama un quinteto de metais:

- 2 trompetas, Juan Sixto Sueiras (trompeta concertino, 21 anos) e Christofer Martínez Sandomingo (trompeta 2ª),

- 1  trompa, William A. Peckens Lorenzo (28 anos), 

- 1 bombardino, Manuel Ramos Castro (19 anos)

- 1 tuba, José Javier Melgar Bellido (43 anos), natural de Xixona (Alacante).

Arrancamos no mes de febreiro do ano pasado, 2017, nun local de ensaio que nos cedeu o concello nos baixos do antigo Hospital de San Roque, onde ten a sede a Escola de Gaitas, pero ao pouco tempo cambiámonos ao local no que na actualidade estamos a ensaiar, na rúa Magdalena.

Este proxecto cultural ten o seu alicerce nunha inquedanza por facer música cunha formación máis pequena, fora da banda tradicional, ensaiar un repertorio diferente, e facer colaboracións con outras formacións da vila (sexan musicais ou non).

Da man de Carlos Caramés, director da Coral Polifónica de Ortigueira fixemos as nosas primeiras actuacións;

- Na misa da Patrona do ano pasado interpretamos a Misa de Manuel Cela para coro e instrumentos de vento (obra que foi estreada na visita do Papa á catedral de Santiago no ano xacobeo).

- Esa mesma obra a tocámola nas festas das Grañas no mes de setembro e logo tamén na festividade do Pilar en San Sadurniño, onde tamén interpretamos o "Ave verum corpus" de Mozart.

- A última actuación que fixemos foi con motivo do Pregón de Semana Santa que realizou o Bispo de Mondoñedo, Mons. Luis Ángel de las Heras, o pasado 9 marzo na igrexa parroquial de Santa Marta; aquí interpretamos música relixiosa para coro e intrumentos de vento.

No futuro queremos ampliar o número de músicos e de instrumentos para chegar a conformar unha auténtica "Brass Band" para dar unha ampla oferta musical dentro da bisbarra e manter durante todo o ano -e non só no verán- un bo abano de actividades musicais no concello.

(Autoría do texto: José Javier Melgar Bellido)

Os deputados polo distrito de Ortigueira. O exemplo do deputado Fernandez Latorre (1891-1910)

.

Foto: La Voz de Galicia

Os que teñan visitado algunha vez o salón de sesións da casa consistorial de Ortigueira terán visto un retrato situado na cabeceira dese espazo. A persoa retratada, de impresionante barba, é Juan Fernández Latorre, que fora en varias ocasións deputado a Cortes polo distrito de Ortigueira hai máis de 100 anos, pero que é coñecido sobre todo por ser o fundador do diario La Voz de Galicia.
Houbo unha época, cando menos entre 1850 e 1949, en que as circunscricións electorais en España eran comarcais, ou por dicilo máis exactamente, coincidían cos distritos ou partidos xudiciais. Non é o caso de agora, en que as circunscricións son as provincias, cun número de deputados a elexir que varía entre 3 e un máximo (nas provincias de Madrid e Barcelona) que sobrepasa os 30.

Na época que citamos, no distrito de Ortigueira elexíase 1 único deputado, que por forza tiña que facer campaña propia, ser coñecido polos electores, e render contas regularmente, pois senon para a seguinte vez non saía elexido. Cousa diferente ocorre na actualidade.
Pero vaiamos ao motivo desta entrada, que é a enumeración de todos os deputados que entre 1850 e 1949 foron elexidos polo distrito de Ortigueira, e que podemos ver neste enlace, pero que transcribimos para maior facilidade de consulta, por orde alfabética:

ALBERT DESPUJOLS, CARLOS

• 51. Elecciones 19.12.1920  Coruña (La) 
• 52. Elecciones 29.4.1923  Coruña (La) 

CALDERÓN DE LA BARCA CERUELO, PEDRO

• 39. Elecciones 5.4.1896  Coruña (La) 

CARAMÉS Y GARCIA, DOMINGO

• 35. Elecciones 27.4.1884  Coruña (La) 

CARBALLO COUSIDO, DANIEL

• 32. Elecciones 20.1.1876  Coruña (La) 
• 33. Elecciones 20.4.1879  Coruña (La) 

CRESPO BELLO, FELICIANO

• 59. Elecciones 13.5.1949 Administración Local

DONATO VILLARNOVO LOPEZ, VICENTE

• 34. Elecciones 21.8.1881  Coruña (La) 
• 36. Elecciones 4.4.1886  Coruña (La) 

FERNÁNDEZ LATORRE, JUAN

• 37. Elecciones 1.2.1891  Coruña (La) 
• 38. Elecciones 5.3.1893  Coruña (La) 
• 39. Elecciones 5.4.1896  Coruña (La) 
• 40. Elecciones 27.3.1898  Coruña (La) 
• 41. Elecciones 16.4.1899  Coruña (La) 
• 42. Elecciones 19.5.1901  Coruña (La) 
• 43. Elecciones 30.4.1903  Coruña (La) 
• 44. Elecciones 10.9.1905  Coruña (La) 
• 45. Elecciones 21.4.1907  Coruña (La) 
• 46. Elecciones 8.5.1910  Coruña (La) 

GULLÓN Y GARCIA PRIETO, ALONSO

• 46. Elecciones 8.5.1910  Coruña (La) 
• 47. Elecciones 8.3.1914  Coruña (La) 
• 49. Elecciones 24.2.1918  Coruña (La) 
• 50. Elecciones 1.6-1919  Coruña (La) 

MENDOZA MAYOL, MANUEL

• 21. Elecciones 25.3.1857  Coruña (La) 
• 24. Elecciones 22.11.1864  Coruña (La) 

PITA ROMERO, LEANDRO

• 54. Elecciones 28.6.1931  Coruña (La) 
• 55. Elecciones 19.11.1933  Coruña (La) 

PITA Y LAMAS, LEANDRO

• 17. Elecciones 31.8.1850  Coruña (La) 
• 20. Elecciones 4.10.1854  Coruña (La) 
• 29. Elecciones 2.4.1872  Coruña (La) 

REGUEIRA MARTÍNEZ, CANDIDO

• 31. Elecciones 10.5.1873  Coruña (La) 

RIVERO ZAPICO, JOSE VICENTE

• 22. Elecciones 31.10.1858  Coruña (La) 
• 23. Elecciones 11.10.1863  Coruña (La) 

RODRÍGUEZ Y RODRÍGUEZ, GASPAR

• 28. Elecciones 8.3.1871  Coruña (La) 
• 30. Elecciones 24.8.1872  Coruña (La) 

SALAMANCA Y MAYOL, JOSE

• 19. Elecciones 4.2.1853  Coruña (La) 

SÁNCHEZ ANIDO, JOSE

• 48. Elecciones 9.4.1916  Coruña (La) 

SOTO BARRO, TEOLINDO

• 36. Elecciones 4.4.1886  Lugo 
• 38. Elecciones 5.3.1893  Lugo 

VILLASUSO ESPIÑEIRA, FIDEL

• 41. Elecciones 16.4.1899  Coruña (La) 

VIÑAS VALDUESO, JUAN JOSE

• 16. Elecciones 6.12.1846  Coruña (La) 
• 18. Elecciones 10.5.1851  Coruña (La

A enumeración comprende a 19 nomes -todos varóns, ningunha muller- e algúns deles pode resultar coñecido para o lector atento á historia de Ortigueira. Como Daniel Carballo Cousido, a quen está adicada a Alameda da nosa vila; ou Feliciano Crespo Bello, destacado cargo da Falanxe local; Vicente Donato Villarnovo López, empresario  en diversas actividades e banqueiro -tiña unha casa de banca na seu propio domicilio, un amplo edificio de sete portas edificado e aínda existente na rúa Manuel Sandomingo- e que tamén fora alcalde de Ortigueira; Alonso Gullón  García-Prieto, varias veces deputado nos anos de 1910; Leandro Pita Lamas e Leandro Pita Romero, moi coñecidos, sobre todo este último, que chegaría a ministro da II República, a máxima maxistratura pública desempeñada por un fillo de Ortigueira.

Xa menos coñecidos serían tal vez Teolindo Soto Barro, que sería avó de Luis de Funes; Fidel Villasuso Espiñeira, acaudalado emigrante en Cuba, conselleiro fundador do Banco Hispano Colonial (despois Hispanoamericano), que axudou na construcción do actual cemiterio de Requeixo, onde está enterrado nunha tumba presidida por unha chamativa coluna ou Cándido Regueira Martínez, indiano non menos rico que o anterior, que tamén participou na construcción do cemiterio, e a quen se lle debe a construcción, en 1870 da actual Casa Rectoral da parroquia de Santa Marta, no Cantón ortegano.

Foto: Wikipedia

Pero de todos eles, o que durante máis tempo desempeñou o cargo de deputado do distrito, durante 19 anos, entre 1891 e 1910, foi Juan Fernández Latorre, político republicano -progresista diríamos hoxe- e moi coñecido por ser o fundador, en 1882, do diario La Voz de Galicia.

En Ortigueira continua hoxe a súa presenza, pois desde 2004 leva o seu nome a Biblioteca Municipal.

Quede aqui, pois a relación dos deputados do noso distrito para coñecemento de todos.

Presentación do libro "Elas”, da profesora Aurora Marco sobre mulleres galegas pioneiras.

Intervención de Aurora Marco
(Foto XMª Torres)

Este ano, a data do 8 de marzo, Día da Muller Traballadora, está dando bastante que falar, entre outras cousas pola convocatoria dunha folga feminista en toda España. En Ortigueira, e centrándonos no ámbito que lle é propio a TERRAS DO ORTEGAL, que é o da Cultura e o Patrimonio, tivo lugar este martes, 6 de marzo, un acto destacado, coa presenza da profesora e escritora Aurora Marco para impartir a charla "Romperon barreiras e ocuparon espazos. ELAS”, e ao tempo presentar o libro, de título homómino, ELAS, que presenta a biografía de 38 mulleres que foron pioneiras en Galicia no seu ámbito. O acto complementouse coa inauguración ao final da charla, no claustro alto do concello, dunha Exposición de 8 pintoras galegas.

Aurora Marco. Fonte: AELG

Este completo evento foi levada a cabo polo Centro de Información da Muller (CIM), de Ortigueira, que está coordinado por Ana Dopico, a quen felicitamos por esta nova iniciativa de interese. O acto en sí foi presentado pola tenente de alcalde, Vanesa Trevín, e a asistencia do editor,  Xosé Manuel Calviño.

En canto ao libro, ópera prima da editorial A Xanela, cómpre dicir que presenta dúas características; por un lado, é unha verdadeira xoia bibliográfica; trátase dunha edición premium, numerada e limitada a 150 exemplares, e que conta con serigrafías de varias pintoras. Por outro, o elevado prezo da obra evitará a sua difusión xeral. Confiamos, en todo caso, que na Biblioteca Municipal existirá un exemplar para consulta e disfrute dos lectores. A autora puyo diversos templos de mulleres pioneiros, como Exeria, a monxa que no século IV peregrinou soa a Palestina, ata Lola de Penelas, unha oleira de Gundivós, porque a profesora marco pretende amasar non só ás grandes persoas -unha almirante do século XVI ou unha erudita- senon a mulleres sinxelas, "anónimas" dixo expresamente, unha mirada pouco habitual no mundo da Historia. A selección feita de biografías é só unha mostra das case 400 mulleres estudadas pola autora ao longo de máis de 30 anos de investigación. 

Está escrito todo? Pois non, como ela mesmo recoñeceu, hai pouco se publicou unha breve biografía da primeira muller matriculada  -en 1896- na universidade de Santiago, e primeira licenciada en Farmacia, en 1900, de Galicia: Manuela Barreiro Pico, natural de Viveiro e con farmacia aberta en Ribadeo durante varias décadas. Segue sendo necesario seguir investigando!

A autora, Aurora Marco é catedrática de Didáctica de Lingua e Literatura Galega na USC, e ten xa un longo percorrido investigador no que a loita feminista e a posta en valor do traballo das mulleres é unha constante, con numerosos libros publicados que son hoxe material de consulta obrigado.

É unha honra contar en Ortigueira coa presenza desta investigadora, e moi oportuna a decisión de usar o Salón de Plenos, a antigua sala capitular do que foi convento de Dominicos, para esta presentación, que por certo tuvo unha asistencia destacada, cunha cincuentena de asistentes, mulleres sobre todo. Non se trata da primeira vez que se usa este espazo noble para a presentación dun libro, pero sen dúbida é un marco axeitado para destacar a importancia do obxectivo que se pretende, que é poñer en valor o traballo das mulleres e acabar coa desigualdade. Fermoso obxectivo!